Salyqtan jaltarý qylmystaryn áshkereleý barysynda astanalyq qarjy polıtsııasynyń kúshimen 1,8 mlrd. teńge óndirildi
ASTANA. 7 sáýir. QazAqparat /Aınur Kenebaeva/ - Qarjy polıtsııasy qyzmetkerleriniń aıtýynsha, qazirgi ýaqytta salyq tóleýden jaltarý faktisimen baılanysty jasalǵan qylmystar jıi qaıtalanatyn quqyq buzýshylyqtar sanatynda bolyp otyr.
Aǵymdaǵy jyldyń 3 aıy ishinde osyndaı faktiler boıynsha Astana qalasy qarjy polıtsııasy departamentiniń qyzmetkerleri 27 qylmystyq is ashyp, 6 qylmystyq isti sotqa joldady. Nátıjesinde memleketke 2,1 mlrd kóleminde shyǵyn keltirgen faktiler ashylyp, salyqtan jaltarý qylmystaryn áshkereleý barysynda astanalyq qarjy polıtsııasynyń kúshimen 1,8 mlrd teńge óndirildi.
Bul týraly búgin Astana qalasy qarjy polıtsııasy departamentinde bolyp ótken baspasóz máslıhatynda málim boldy.
Qarjy polıtsııasy málimetterine sáıkes, kásipkerlik kontragentterinen 3,5 mlrd teńge óndirilip, shyǵyndardy óndirip alý úshin aıyptalýshylardyń quny 3,7 mln teńge bolatyn múlki tárkilendi.
Qarjy polıtsııasy qyzmetkerleriniń tájirıbesi kórsetkendeı, salyq tóleýden jaltarý faktileri salyq deklaratsııasyna jalǵan málimet engizý jolymen jasalǵan.
