Salyqtan bosatylǵan shaǵyn bıznes únemdelgen qarajatyn qaıda jumsaýy kerek

NUR-SULTAN. QazAqparat - Salyq tóleýden bosatylǵan shaǵyn bıznes únemdelgen qarajatyn kirister men shyǵystaryn esepteýdi tsıfrlandyrýǵa jumsaýy qajet. Bul týraly IV Bıznesti qorǵaý jónindegi forýmda «Atameken» UKP Tóralqasynyń tóraǵasy Tımýr Qulybaev aıtty, dep habarlaıdy QazAqparat tilshisi.

«Ulttyq kásipkerler palatasy Memleket basshysynyń mıkro jáne shaǵyn bıznesti úsh jylǵa tabys salyǵyn tóleýden bosatý jónindegi tapsyrmasyna qoldaý bildiredi. Bul oılastyrylǵan ári tekserilgen sheshim», - dedi ol.

Onyń atap ótýinshe, buǵan qosa bıznes shamamen 244 mlrd teńge salyq túrindegi kiris alady. Sondyqtan olar ózderine qarsy mindetteme alyp, jumystaryn órkenıetti formatqa kóshirýleri tıis.

«Bıznes únemdelgen aqshalaryn onlaın baqylaý-kassalyq mashınasyn, Pos termınaldar ornatýǵa, kirister men shyǵystardy esepteýdi tsıfrlandyrýǵa jumsaýy tıis. Nátıjesinde bıznes sýbektileri 3 jyldyń ishinde kirister men shyǵystardy tolyqqandy esepteýge kóshýi qajet», - dedi Tımýr Qulybaev.