Salyqqa jeńildikter 700 myńnan astam kásipkerlik sýbektisin qamtıdy
NUR-SULTAN. QazAqparat – Salyqqa jasalatyn jeńildikter 700 myńnan astam kásipkerlik sýbektisine qoldanylady. Bul týraly Úkimet otyrysynda Premer-Mınıstr Asqar Mamın málim etti, dep habarlaıdy QazAqparat tilshisi.
«Bıznesti qoldaý úshin salyqtyq jeńildikter qabyldandy. Olar ekonomıkanyń túrli salalaryn qamtıdy. Onyń ishinde saýda, qoǵamdyq tamaqtaný, qonaq úı, týrıstik bıznes jáne qyzmet kórsetý salasyndaǵy basqa da nysandar eskerilgen. Salyqtan bosatý men stavkalardy tómendetý ártúrli merzimde 700 myńnan astam kásipkerlik sýbektisine qoldanylady», - dedi Úkimet basshysy.
Aıta keteıik, Premer-Mınıstr Úkimet daǵdarysqa qarsy birqatar sharalardy iske asyratynyn málim etti.
Budan buryn habarlanǵandaı, Úkimet otyrysynda Ulttyq ekonomıka mınıstri Rýslan Dálenov tótenshe jaǵdaı kezeńinde salyqty májbúrlep óndirý toqtatylatynyn aıtty.
