Salyq Zımanovtyń ómiri týraly derekti fılm túsiriledi
NUR-SULTAN. QazAqparat - 2021 jyly 100 jyldyq mereıtoıy atalyp ótiletin akademık Salyq Zımanovtyń ómiri týraly derekti fılm túsiriledi. Bul týraly Senat depýtattarynyń resmı saýalyna QR Premer-Mınıstri Asqar Mamınniń bergen jaýabynda aıtylǵan, dep habarlaıdy QazAqparat tilshisi.
«2019-2021 jyldarǵa arnalǵan mereıtoılyq jáne estelik kúnderdiń tizbesine sáıkes Atyraý oblysy ákimdiginiń qoldaýhaty negizinde Mádenıet jáne sport mınıstrligimen 2021 jyly S.Zımanovtyń 100 jyldyǵyn merekeleý boıynsha tolyqtyrý engiziledi. 2021 jyly Nur-Sultan, Almaty, Qaraǵandy, Qostanaı, Oral qalalarynyń JOO halyqaralyq jáne respýblıkalyq mańyzy bar ǵylymı konferentsııalardy, onyń ishinde H.Dosmuhamedov atyndaǵy Atyraý ýnıversıteti 2021 jyldyń aqpan aıynda jas ǵalymdar men stýdentterdiń halyqaralyq ǵylymı konferentsııasyn ótkizýdi, Atyraý oblysynyń ákimdigi memlekettik aqparattyq tapsyrys aıasynda S.Z.Zımanovtyń ómiri týraly derekti fılm túsirýdi josparlap otyr», - dedi Asqar Mamın.
Esterińizge sala ketsek, akademık Salyq Zımanovtyń týǵanyna kelesi jyly 100 jyl tolady. Alaıda, osy bir aıtýly data Úkimettiń aldaǵy jyly atap ótetin mereıtoılar tizbesinen tys qalǵan. Osyǵan oraı taıaýda Senattyń jalpy otyrysynda Muhtar Qul-Muhammed bastaǵan bir top senator Premer-Mınıstrdiń atyna depýtattyq saýal joldaǵan edi.
