Salyq jınaýdaǵy olqylyqtar Ulttyq qorǵa salmaq túsirýde – depýtat

NUR-SULTAN. QazAqparat – QR Parlament Májilisiniń depýtaty Sergeı Sımonov salyqty ákimshilendirý isindegi olqylyqtar Ulttyq qorǵa keri áser etip jatqanyn aıtty, dep habarlaıdy QazAqparat tilshisi.

«Álemdegi ekonomıkalyq jaǵdaı ońaı bolmaı tur. Mundaıda salyq jınaý, kedendik jáne ózge de mindettemelerdi ákimshilendirý isin tyńǵylyqty júrgizý ózekti bola túsedi. 2021 jyly keıbir josparly kórsetkishter oryndalǵanyna qaramastan, zańsyzdyqtar men kemshilikter bar. Salyqtyq ákimshilendirýdiń álsizdiginen Ulttyq qorǵa táýeldilik artyp otyr. Buǵan deıingi jyldar sııaqty kiristerdiń úshten bir bóliginen astamy Ulttyq qordan alynǵan. Keıingi úsh jylda bul kórsetkish joǵary bolyp tur. Úkimettiń esebi boıynsha, 2021 jyly salyqtyq jáne kedendik ákimshilendirýdi jetildirýdiń arqasynda respýblıkalyq bıýdjetke 683,6 mlrd teńge qosymsha kiris túken. Alaıda, Esep komıtetiniń baǵalaýy boıynsha, bul sharalardan 378 mlrd teńge ǵana túsken. ıAǵnı, 44,7% paıyz az», - dedi mınıstrlik Parlamenttiń birlesken otyrysynda.

Depýtattyń málimeti boıynsha, 2022 jyldyń 1 qańtarynda respbýlıkalyq bıýdjettiń kiris tloymsyzdyǵy 451 mlrd teńge bolǵan. Bul 2020 jylmen salystyrǵanda 4 ese kóp. ıAǵnı tolymsyzdyq 387 mlrd teńge ósken.

«Qytaımen aradaǵy ózara saýda statıstıkasyndaǵy alshaqtyq ta burynǵy kúıinde qalyp otyr. Jyldar boıy qolǵa alynǵan sharalar kútken nátıjeni bermedi. Esep 5,7 mlrd dollar bolǵan. Al keıingi úsh jylda bul soma 17 mlrd dollarǵa jetken. Osylaısha kedendik bajdy qospaǵanda qosymsha qun salyǵynan ǵana bıýdjetke túsetin 1 mlrd dollar jelge ushyp jatyr. Qazaqstannyń ózge de saýda seriksterimen statıstıkalyq aýytqýlar tirkelip otyr», - degen Májilis ókili Qarjy mınıstriniń keıingi 11 jyldan beri salyqtyq jáne kedendik ákimshilendirý isin bir aqparattyq júıege kiriktire almaı kele jatqanyn synady.

Al Esep komıtetiniń tóraǵasy Natalıa Godýnovanyń málimeti boıynsha, Ulttyq qordan alynǵan qarajat túsken kiristen asyp ketken.