Salyq jáne kedendik ákimshilendirý salasyndaǵy zańnama ózgeristerge ushyraıdy - Baqyt Sultanov
ASTANA. QazAqparat - Salyq jáne kedendik ákimshilendirý salasyndaǵy zańnama ózgeristerge ushyraıdy. Bul týraly búgin Ortalyq kommýnıkatsııalar qyzmetinde Úkimet otyrysynyń qortyndysyna arnalǵan brıfıngte QR Premer-Mınıstriniń orynbasary - Qarjy mınıstri Baqyt Sultanov málim etti.
Aıta keteıik, búgin Úkimet otyrysynda Qazaqstannyń qańtar-mamyr aılaryndaǵy memlekettik bıýdjettiń atqarylý barysy qaraldy.
"Salyq jáne kedendik ákimshilendirýdi jetildirý boıynsha sharalar iske asyrylýda. Mysaly, júıeli túrde birqatar zańnamalyq ózgerister qarastyrylýda. Olardy biz búgin Úkimet otyrysynda talqylap, qoldaý taptyq. Bul ózgerister taýarlardy kedendik tazartý kezindegi sybaılas jemqorlyqty jáne bıýrokratııalyq kedergilerdi joıýǵa, kedendik operatsııalardyń ashyqtyǵyn jáne olardy júzege asyrylý ýaqytyn qysqartýdy qamtamasyz etý arqyly memlekettiń básekege qabilettiligine oń áser etýge múmkindik beredi", - dedi mınıstr.
