Salyq jáne keden túsimderiniń 20 paıyzy elordaǵa tıesili - Marat Sultanǵazıev

NUR-SULTAN. QazAqparat – El bıýdjetine kiretin salyq jáne kedendik túsimderiniń 20 paıyzyn Nur-Sultan qalasy berip otyr, dep habarlaıdy QazAqparat tilshisi.

QR Memlekettik kirister departamentiniń tóraǵasy Marat Sultanǵazıev jyl saıyn elordanyń salyq jáne kedendik túsimderi artyp kele jatqanyn aıtady.

«Nur-Sultan qalasynyń salyq túsimderi 526 mlrd teńgege teńeldi. Al kedendik túsimder kólemi 80 mlrd teńgeden astam. Bul eldegi salyq túsiminiń 20 paıyzy. Bul turǵyda elordaǵa kiretin túsimderdiń jyl saıyn kóbeıip kele jatqanyn aıtýymyz kerek», - dedi Marat Sultanǵazıev.

QR Prezıdenti janyndaǵy ortalyq kommýnıkatsııalar qyzmetinde ótken brıfıng barysynda Komıtet tóraǵasy Qytaı men Ózbekstan shekaralaryndaǵy 10 ótkizý pýnkti jańalanatynyn da aıtty.