Salyq túsimderiniń keıbir túrleri óńirlerge beriledi - mınıstr
Aıta keteıik, búgin palatanyń jalpy otyrysynda «Qazaqstan Respýblıkasynyń keıbir zańnamalyq aktilerine Memleket basshysynyń jekelegen tapsyrmalaryn iske asyrý máseleleri boıynsha ózgerister men tolyqtyrýlar engizý týraly» zań jobasy birinshi oqylymda qaraldy. Qujatta bıýdjetaralyq máseleler eskerilgen.
«Bıýdjetaralyq qatynastardy odan ári reformalaý jónindegi jumys júrgizilýde. Reformanyń negizgi maqsaty – óńirlerdiń qarjylyq derbestigin kúsheıtý. Salyq túsimderiniń keıbir túrlerin, ıaǵnı olardyń turaqtylyǵy men jınaqtalý qaǵıdattaryn eskere otyryp, jergilikti deńgeıge berý usynylady», - dedi Á. Qýantyrov.
Budan basqa zań jobasynda jalpy sıpattaǵy transfertterdiń esepteýlerine beriletin aqparattyń anyqtyǵy úshin bıýdjettik baǵdarlamalar ákimshileriniń jaýapkershiligi qarastyrylǵan.
Sonymen qatar, memlekettiń ekonomıkalyq fýnktsııalaryn jeke monopolııalyq operatorlardyń júzege asyrýyna zań júzinde tyıym salý jónindegi tapsyrmany iske asyrý qarastyrylǵan. Bul turǵyda memleket 100% qatysatyn zańdy tulǵalar ǵana monopolııalyq fýnktsııalardy júzege asyra alatyn túzetýler usynyldy.
«Demek arnaıy quqyq sýbektisi uǵymy naqtylanady jáne memlekettik monopolııa men arnaıy quqyqty qospaǵanda, aıryqsha ári basym quqyqtardy berýge tyıym salynady», - dedi mınıstr.
