Salyq týraly málimetti WhatsApp arqyly bilýge bolady

ASTANA. QazAqparat - 2019 jylǵy 13 aqpandaǵy jaǵdaı boıynsha memlekettik kirister organdary «WhatsApp» messendjeri arqyly 6891 azamattyń suraǵyna jaýap berdi. Bul týraly Qarjy mınıstrligi Memlekettik kirister komıteti baspasóz qyzmetinen málim etti, dep habarlaıdy QazAqparat tilshisi.

Negizinen, jeke tulǵalardy kólik quraldaryna salynatyn salyq, jer jáne múlik salyqtaryn tóleý tásilderi, jeke tulǵalarǵa tıesili salyq jeńildikteri, dara kásipkerlikti ashý, arnaýly salyq rejimderin qoldaný erekshelikteri, salyq deklaratsııalaryn tapsyrý týraly máseleler qyzyqtyrady.

Sonymen qatar, salyq tóleýshilerdiń basym bóligi ózderiniń salyq qaryzdaryn bilgisi kelgen jáne kólik salyǵyn esepteý týraly suraqtar qoıǵan.

Eske sala keteıik, 2018 jyldyń 19 qarashasynan bastap QR QM Memlekettik kirister komıteti jeke tulǵalardyń jer, múlik jáne kólik salyqtary boıynsha (eseptelýi, tólenýi, qaryzy jáne t.b.) ózekti jáne tolǵandyryp júrgen suraqtaryna jedel jaýap berý úshin «WhatsApp» messendjerin qosqan bolatyn. https://kaz.inform.kz/news/salyk-zhoninde-suraktar-tuyndasa-whatsapp-arkyly-zhauap-aluga-bolady_a3461158

«Suraqtardy 8-776-136-41-32 nómirine jumys kúnderi saǵat 9:00-den 18:30-ǵa deıin joldaýǵa bolady. Biz jedel ári tolyq jaýaptardy berýge tyrysamyz. Menshikke salynatyn salyqtarǵa baılanysty suraqtar týyndaǵan jaǵdaıda, jeke tulǵalarǵa turǵylyqty jeri boıynsha (kólik salyǵy boıynsha) nemese jyljymaıtyn múliktiń ornalasqan jeri boıynsha (múlik, kólik) habarlasý qajet. Sondyqtan, osyndaı «WhatsApp» messendjerler aýmaqtyq memlekettik kirister departamentterimen de qosylǵan», - delingen vedomstvo málimetinde.