Salyq tóleýshiniń qupııa derekteri aktıvterdi qaıtarý jónindegi ýákiletti organǵa beriledi

ASTANA. QazAqparat – Salyq organdary endi salyq tóleýshi týraly qupııa málimetterdi zańsyz alynǵan aktıvterdi qaıtarýmen aınalysatyn ýákiletti organǵa berýge mindetteledi, dep habarlaıdy QazAqparat tilshisi.

Májilis depýtattarynyń bastamasymen Salyq kodeksine ózgerister men tolyqtyrýlar engizilmek. Atap aıtqanda, endi salyq organdary aktıvterdi qaıtarý jónindegi ýákiletti organdy ózderiniń bazasyna qosýǵa múmkindik jasaýy tıis.

«Salyq organdary aktıvterdi qaıtarý jónindegi ýákiletti organǵa salyq organdarynyń aqparattyq júıesine qoljetimdilik berýge mindetti», - delingen jańa redaktsııada.

Aıta keteıik, búgingi kúngi zań talabynda mundaı norma joq. Sonymen qatar, endi aktıvterdi qaıtarýmen aınalysatyn organǵa salyq tóleýshiniń qupııa derekteri de usynylady.

«Salyq organdary salyq qupııasyn quraıtyn salyq tóleýshi (salyq agenti) týraly málimetterdi salyq tóleýshiniń (salyq agentiniń) jazbasha ruqsatyn almaı «Zańsyz alynǵan aktıvterdi memleketke qaıtarý týraly» QR Zańyna sáıkes, aktıvterdi qaıtarý jónindegi ýákiletti organǵa tabys etedi», - dep jazylǵan depýtattar bastamasymen qolǵa alynyp, ózgeris engizilgeli otyrǵan qujatta.