Salyq tóleýshi bereshegin tóleý merzimin keıinge qaldyra alady - Smaıylov
«Memleket basshysynyń tapsyrmasyna baılanysty arnaıy salyq rejımin qoldanylatyn 1,2 mıllıonǵa jýyq mıkro jáne shaǵyn bıznes sýbektileri jyl basynan bastap 3 jylǵa barlyq tabys salyqtaryn tóleýden bosatyldy. Sonymen qatar qyzmetterin jalpy rejımde júrgizetin jeke kásipkerler osy jyldyń sońyna deıin tabys salyǵyn tóleýden bosatylǵan edi. Bul - shamamen taǵy 72 myń kásipker», - dedi ol Úkimet úıinde ótken brıfıngte.
Birinshi vıtse-premerdiń atap ótýinshe, 2020 jyldyń 1 maýsymyna deıin shaǵyn jáne orta bıznestiń 1,3 mln sýbektiniń bıýdjetke tóleıtin salyqtary men tólemderdi, onyń ishinde áleýmettik tólemderdi tóleýi keıinge qaldyryldy. Atalǵan merzimge deıin salyqtyq jáne kedendik bereshekterdi májbúrlep óndirip alý sharalary toqtatylady.
«Al qosymsha aıtarym, «Salyq« kodeksine sáıkes, eger salyq tóleýshi bereshekterin tóleı almaıtyn jaǵdaıda bolsa, onda olar ózderiniń tirkelgen jerleri boıynsha osy bereshekterin tóleý merzimin keıinge qaldyrý nemese bólip tóleý úshin jergilikti memlekettik kirister departamentine baryp júginýlerine bolady», - dedi Álıhan Smaıylov.
