Salyq tóleýde eń belsendi óńirler ataldy
NUR-SULTAN. QazAqparat - Elimiz boıynsha salyqty ýaqytynda tóleý boıynsha eń belsendi aımaqtardyń tizimi jarııalandy, dep habarlaıdy QazAqparat tilshisi.
«Aqmola, Almaty, Atyraý, Jambyl jáne Qostanaı oblystary - salyq tóleýde eń belsendi óńirler. Odan ári Qaraǵandy, ShQO jáne Pavlodar oblysy ornalasqan. Bundaı monıtorıngti jylyna eki ret júrgizemiz, ondaǵy maqsat - salyq tóleýde belsendiligi tómen aımaqtardy anyqtap, olarmen jumys isteý», - dedi QR Memlekettik kirister komıteti tóraǵasynyń orynbasary Jaıdar Іńkárbaev.
Sonymen qatar, kirister komıtetiniń ókili qazirgi ýaqytta salyq júıesinde kameraldyq baqylaýdyń júzege asyrylyp jatqany týraly aıtyp berdi.
"Búginde salyqtyq ákimshilendirý ekpini salyqtyq tekserýlerden kameraldyq baqylaýǵa aýysty. Bul salyq deklaratsııalaryn ózara salystyrý arqyly júzege asyrylatyn salyqtyq baqylaýdyń bir túri. Kameralyq baqylaýdyń negizgi maqsaty - salyq tóleýshige aıyppul salmaı, zań buzýshylyqtardy óz betinshe joıýǵa múmkindik berý. Ótken jyly kameraldyq baqylaý nátıjesinde salyq tóleýshiler qosymsha deklaratsııalar tapsyryp, jınaqtalǵan jáne óndirilgen salyq somasy 127,3 mlrd teńgeni qurady. Alaıda salyq tóleýshilerdiń habarlamalaryn oryndamaý jaǵdaılary da bar», - dedi ol.
Buǵan deıin habarlaǵanymyzdaı Jaıdar Іńkárbaev elimizdegi salyq tólemderiniń qaı salaǵa tıesili ekenin atap ótken bolatyn.
