Salyq tólemderiniń ońaılyǵy reıtınginde Qazaqstan TMD aýmaǵynda kóshbasshy bolyp otyr
ALMATY. 6 jeltoqsan. QazAqparat /Erlik Erjanuly/ - Qazaqstan salyq tólemderiniń ońaılyq reıtınginde álemde 183 eldiń ishinde 39-orynda tur.
Bul búgin Almatyda PwC kompanııasy, Dúnıejúzilik bank jáne Halyqaralyq qarjy korporatsııasy birlesip jasaǵan "Salyq tólemderi 2001" jańa esebin jarııalaý rásiminde aıtyldy.
Pricewaterhouse Coopers (PwC) kompanııasynyń Salyq bóliminiń dırektory Rıchard Bregonıdiń aıtýynsha, Qazaqstanǵa 39-oryndy ıelenýge básekege qabiletti 50 eldiń qataryna ený úshin ótkizilgen salyqtyq reformalar múmkindik berip otyr. Byltyr respýblıka álemdegi 183 eldiń ishinde 52-oryn alǵan bolatyn. Salyq tólemderiniń ońaılyǵy reıtınginde Qazaqstan Ortalyq Azııa ǵana emes TMD elderinde de kóshbasshy.
Dúnıejúzilik banktiń Memlekettik basqarý sektorynyń bas mamany Mýnaver Sýltan Hvadjanyń sózine qaraǵanda, álemdik ekonomıkanyń baıaý qalpyna kelýine qaramastan álemdegi memleketterdiń 60 paıyzǵa jýyǵy salyqtardy tóleý júıesin ońaılatý maqsatynda zańdaryna eleýli ózgerister engizdi. "Salyq tólemderi 2001" esebiniń qorytyndysyna qaraǵanda, byltyr 40 el salyqtardy tóleý úderisin ońaılatty. Eń eleýli jaǵymdy ózgeristerdi engizgen aımaq Ortalyq jáne Shyǵys Eýropa bolyp tabylady. Onda salyq mólsherlemesi 3,1 paıyzǵa jáne tólemder sany 5-ke tómendep, salyq ákimshiligine jumsalatyn ýaqyt 16 saǵatqa azaıdy.
