Salyq pen jemqorlyqqa qarsy zańdy buzǵandardyń saılanbaly laýazymǵa qol jetkizýi shekteledi

ASTANA. QazAqparat - Búgin Senattyń jalpy otyrysynda palata depýtattary «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» Konstıtýtsııalyq zańyn qabyldady. Parlament qabyldaǵan Zań endi Memleket basshysynyń qol qoıýyna joldanady.

Aıta keterligi, atalǵan qujat «Qazaqstan Respýblıkasynyń keıbir zańnamalyq aktilerine jeke tulǵalardyń kiristeri men múlkin deklaratsııalaý máseleleri boıynsha ózgerister men tolyqtyrýlar engizý týraly» zań jobasymen tyǵyz baılanysty bolyp tabylady. «Bul rette zań jobasymen saılanbaly laýazymǵa úmitker bolyp tabylatyn adamdar usynatyn deklaratsııanyń ataýyn «tabystary men múlki týraly deklaratsııa» degennen «aktıvteri men mindettemeleri týraly deklaratsııa» dep aýystyrý kózdelgen. Jalpy, bul Zańnyń qabyldanýy salyq jáne sybaılas jemqorlyqqa qarsy zańnamany buzatyn adamdardyń saılanbaly laýazymǵa qol jetkizýin shekteýge yqpal etedi»,- dedi qujat boıynsha baıandaǵan QR Qarjy mınıstri Baqyt Sultanov.

Eske sala ketsek, «Qazaqstan Respýblıkasynyń keıbir zańnamalyq aktilerine jeke tulǵalardyń kiristeri men múlkin deklaratsııalaý máseleleri boıynsha ózgerister men tolyqtyrýlar engizý týraly» zań jobasy búgingi otyrysta birinshi oqylymda maquldanǵan bolatyn.