Salyq pen aıyppuldy QR-kodpen mobıldi bankıng arqyly tóleýge bolady

NUR-SULTAN. QazAqparat - Memlekettik qyzmetterdi, salyq pen aıyppuldy QR-kodpen Kaspi.kz mobıldi bankıng arqyly tóleýge bolady, dep habarlaıdy QazAqparat.

Endi Elektrondy úkimettiń tólem shlıýzinde QR-kodty skanerlep, Kaspi.kz mobıldi qosymshasy arqyly tóleýge bolady.

«Memlekettik qyzmetter jáne bıýdjetke tólenetin basqa da tólemderdiń osy ádisin paıdalaný úshin elektrondy úkimet veb-portalynda, Memlekettik kirister komıtetiniń salyq tóleýshi kabınetinde qyzmetke tapsyrys berý jetkilikti. Sosyn Elicense.kz nemese HQKO fılıaldarynda, keıinnen EÚTSh betinde «QR-code» Kaspi.kz tańdaý jáne qurylǵan kodty Kaspi.kz mobıldi qosymshasynda skanerleý qajet» delingen «Ulttyq tehnologııalar ortalyǵy» AQ habarlamasynda.

Elektrondy úkimettiń tólem shlıýzinde tólem kartasymen, elektrondy ámııanmen, mobıldi teńgerim sııaqty tólem tásilderi bar.