Salyq organy kásipkerdiń múlkin zańsyz buǵattaǵan - Aqmola oblysy
KÓKShETAÝ. QazAqparat - Aqmola oblysynda qurylys kompanııasynyń quqy qorǵaldy, dep habarlaıdy QazAqparat tilshisi óńirlik kəsipkerler palatasynyń baspasóz qyzmetine silteme jasap.
Vedomstvonyń məlimetinshe, Aqmola oblysynyń kásipkerlerdiń quqyǵyn qorǵaý jáne jemqorlyqqa qarsy is-qımyl jónindegi keńestiń kezekti otyrysynda osy másele sóz boldy.
Belgili bolǵandaı 25 mıllıon teńge salyq tólemegen «Kókshetaý qurylys ÓQK» JShS-ne (TOO «PSK «Kokshetaýstroı») Kókshetaý qalalyq memlekettik kirister basqarmasy kompanııanyń quny 875 mıllıon teńge bolatyn barlyq múlkin menshik ıeliginen shyǵarǵan.
Vedomstvonyń deregi boıynsha, 25 mıllıon teńge salyqtyq qaryzy bolǵan «Kókshetaý qurylys ÓQK» JShS-ne (TOO «PSK «Kokshetaýstroı») Kókshetaý qalalyq memlekettik kirister basqarmasy kompanııanyń quny 875 mıllıon teńge bolatyn barlyq múlkin menshik ıeliginen shyǵarǵan.
Memlekettik kirister basqarmasyndaǵylar muny kásiporynnyń qordalanǵan 25 mıllıon teńge qaryzymen baılanystyryp otyr. Bastapqy da bul salyqshylardyń zańdy áreketi sııaqty kóringen. Alaıda, buǵattalǵan múliktiń quny salyq qaryzynyń somasynan 35 esege asyp ketken.
Aqmola oblystyq kásipkerler platasy dırektorynyń orynbasary Shyńǵys Temirov memlekettik kirister organdarynyń áreketin zańsyz dep otyr. Salyq kodeksiniń normalary boıynsha salyq tóleýshiniń múlkin paıdalanýdy shekteý salyq qaryzy shamasynda ǵana qoldanylady. Osy jaǵdaıda bul ereje saqtalmaǵan.
Jumys toqtatylǵan kásiporynnyń máselesi týraly Aqmola oblysynyń kásipkerler palatasy birneshe ret kótergen bolatyn. Alǵash ret qazannyń 17 kúni ótken keńes otyrysynda bul másele qyzý talqylanyp, nátıjesinde Aqmola oblysynyń memlekettik kirister departamentine kompanııanyń múlkin menshik ıeliginen shyǵarýdan bosatý týraly keńes bergen edi. Sol kezde tıisti materıaldar oblystyq prokýratýra men sot ınstantsııasyna joldandy.
Nátıje kóp kúttirmedi. Keıin qazannyń 25-i kúni Aqmola oblysynyń mamandandyrylǵan aýdanaralyq ekonomıkalyq soty «Kókshetaý qurylys ÓQK» JShS-ne qatysty qalpyna keltirý, ıaǵnı, barlyq múlkin menshik ıeliginen shyǵarýdan bosatý týraly sheshim shyǵardy.
Sheshim jeltoqsannyń 3-i kúni zańdy kúshine endi jáne kásiporynnyń ózine tıesili tutqyndalǵan tórt jyljymaıtyn múlki bosatyldy.
Qazirgi kezde, qurylys salasynda tájirıbesi baı kásiporyn «aıaǵynan nyq turyp» jańa jobalarǵa qatysýǵa daıyndalyp jatyr.
«Bizdiń kompanııanyń jumysyn qaıta jandandyrý sheshimi memlekettik kirister organdary tek kásipkerler palatasy sarapshylarynyń júıelik taldaýynan keıin ǵana qolǵa aldy», - deıdi kompanııa ókilderi.
