Salyq organdary salyqtan jaltarýdyń 34 zańsyz júıelerin anyqtady

Bul týraly búgin Parlament Senatynda depýtattarmen kezdesý barysynda QR Qarjy mınıstrligi Salyq komıtetiniń tóraǵasy Dáýlet Erǵojın málim etti.

«Salyqtyq quqyq buzýshylyqtarǵa jasalǵan taldaý nátıjesi boıynsha biz salyqtan jaltarýdyń 34 tıptik júıesin anyqtadyq. Osylar boıynsha qazirgi kezde qarjy polıtsııasy organdarymen birlesken tıisti sharalar ázirlenýde»,-dedi komıtet tóraǵasy.

2010 jyly salyq organdarynyń atalǵan júıeler aıasynda jasalǵan salyqtyq quqyq buzýshylyqtardy anyqtaýy nátıjesinde 88 mlrd. teńge kóleminde qosymsha salyq tólemderi jınaldy.

Osy oraıda ol memleket tarapynan kásipkerlikti júrgizýge qolaıly jaǵdaı jasalǵanyna qaramastan, salyq tóleýshilerdiń keıbireýleri salyq tóleýden jaltarý maqsatynda osyndaı túrli zańsyz júıelerdi paıdalanyp,zańsyz kapıtaldy qalyptastyratynyn aıtyp ótti.