Salyq komıteti jeke jáne zańdy tulǵalarǵa sáıkestendirý nómirlerin alý qajettiligin eskertýde
ASTANA. 27 sáýir. QazAqparat /Muratbek Maqulbekov/ - Memlekettik organdardyń aldaǵy ýaqytta sáıkestendirý nómirlerin (JSN/BSN) paıdalaný qyzmetine kóshýine baılanysty, árbir jeke jáne zańdy tulǵa JSN nemese BSN sáıkestendirý nómirlerin alýlary qajet.
Bul týraly Qarjy mınıstrligi Salyq komıtetiniń baspasóz qyzmetinen habarlady.
Jeke tulǵalarda JSN jeke kýáliginde fotosýrettiń astynda oń jaǵynda, al zańdy tulǵalarda memlekettik tirkeý týraly kýáliginde kórsetilgen.
Jeke jáne zańdy tulǵalar sáıkestendirý nómirleriniń bar-joǵyn salyq organdarynyń derek qorynan myna izdestirý qyzmetiniń kómegimen - www.salyk.kz/ru/Pages/findtaxpayers.aspx - teksere alady.
