Salyq komıteti páterdi jalǵa beretin, alaıda odan túsetin tabys úshin salyq tólemeıtinderdi anyqtap jatyr
ASTANA. Mamyrdyń 18-i. QazAqparat /Ernur Aqanbaı/ - Salyq komıteti páterdi jalǵa beretin, alaıda odan túsetin tabys úshin salyq tólemeıtin tulǵalardy anyqtaý sharalaryn júrgizip jatyr.
Bul týraly búgin Astanada on-laın konferentsııanyń barysynda Qarjy mınıstrligi Salyq komıtetiniń tóraǵasy Dáýlet Erǵojın málim etti, dep habarlaıdy QazAqparat.
«Salyq komıteti bul máselemen shuǵyldanýda. Páterdiń jalǵa berilgeni týraly ádette kórshileri, páter ıeleri kooperatıvi nemese ýchaskelik ınspektor biledi. Biz qazirgi tańda páter ıeleriniń kooperatıvimen tyǵyz jumys isteýdemiz», dedi D. Erǵojın.
Osy oraıda ol Salyq komıteti qazirgi tańda mundaı bıznesti tabys kózine aınaldyrǵan kóptegen adamdarǵa salyq organyna kelip esepke turyp, salyqtyq deklaratsııa ótkizý jóninde habarlama jibergenin atap ótti. Onyń aıtýynsha, eger páterdi jalǵa beretin adam jeke kásipkerler bolsa, onda ol osy bıznesten túsetin tabystyń 3 paıyzyn salyq retinde tóleýi tıis. «Páterdi jalǵa beretin adam úshin jeke kásipker retinde esepke turǵanynan kóp paıda bar. Ol zańdy tulǵalarmen de jumys istep, olarmen resmı kelisimsharttar jasaı alady», dedi D. Erǵojın.
