Salyq komıteti bir jyldyń ishinde salyq tóleýshilerdiń tek 7-8 paıyzyn ǵana teksere alady - Kásipkerlikti damytý departamentiniń jetekshisi
ALMATY. Qańtardyń 20-sy. QazAqparat /Erlik Erjanuly/ - Aqpannyń 2-sinen keıin bıznes qurylymdarynda josparly tekserý azaıady.
Bul búgin Almatyda táýekeldi basqarý júıesi boıynsha tekserý júrgizý tártibin reformalaý týraly dóńgelek ústel jıynynda aıtyldy, dep habarlaıdy QazAqparat.
"Salyq komıteti bir jyldyń ishinde salyq tóleýshilerdiń tek 7-8 paıyzyn ǵana teksere alady. Josparly tekserý kezinde olardyń bárin túgel qamtý múmkin emes. "Jeke kásipkerlik týraly" QR Zańyna engizilgen túzetýler boıynsha táýekeldi basqarý krıterııleri men memlekettik organdardyń tekserý paraqshalary maquldaý týraly mınıstrlikter arasynda birlesken buıryq daıyndalmaq. Densaýlyq saqtaý jáne ekonomıka mınıstrlikteriniń buıryǵy boıynsha maquldanatyn 44 normatıvtik aktiniń qazirgi tańda birde-biri qabyldanǵan joq. Tek ekeýi protsedýralyq turǵyda daıyn. Taǵy 20-sy operatsııalyq turǵyda ázirlenip jatyr", deıdi Ekonomıka jáne bıýdjettik josparlaý mınıstrliginiń Kásipkerlikti damytý departamentiniń jetekshisi Rústem Aqberdın. Al kásipkerlerdiń Almaty qaýymdastyǵynyń prezıdenti Vıktor ıAmbaevtyń aıtýynsha, quqyqtyq normatıvtik baza áli rettelgen joq. Baqylaý- qadaǵalaý organdarynyń jumysyn baǵalaý krıterııleri ózgergen joq. Qazir olardyń jumysy kemshilikterdi anyqtaý men aıyppuldardyń kólemimen ǵana baǵalanýda.
