Salyq deklaratsııasyna jalǵan málimet engizgen batysqazaqstandyq azamat 3 jyl ómirin túrmede ótkizetin boldy
ASTANA. Qarashanyń 11-i. QazAqparat /Aıdar Ospanalıev/ - Salyq deklaratsııasyna engiziletin málimetter kóbine jalǵan.
Osy áreketteri arqyly uıym, mekeme ókilderi salyqtan jaltaryp qalmaq. Buny búgin jýrnalıstermen bolǵan aptalyq brıfıngte Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı aıtty, dep habarlaıdy QazAqparat.
Onyń sózine qaraǵanda, uıym, mekeme qyzmetkerleriniń mundaı áreketteriniń sońy jaqsylyqqa aparmaıdy. Mysaly, Batys Qazaqstan oblysynda osyndaı áreketteri arqyly 485 mıllıon teńgeni urlamaq bolǵan «Eksel» JShS-nyń dırektory E.Tetenov 3 jyl túrmede otyrady. Sondaı-aq tap osyndaı áreketpen 347 mıllıon teńgeni jymqyrmaq bolǵan osy oblystaǵy «Spýtnık-oıl» JShS-nyń dırektory S.Danılovtyń mal-múlki tárkilenip, 3 jylǵa bas bostandyǵynan aıyryldy. Quzyrly organdar dırektorǵa aıyppul da tólettirdi.
