Salyq bereshegi bar shottar qandaı jaǵdaıda buǵattalmaıdy
Bıyl 1 qańtardan bastap pandemııadan zardap shekken 114 qyzmet túrine bólshek salyqtyń arnaıy 2 jyldyq salyq rejımi engizilgen bolatyn. Ulttyq ekonomıka mınıstrligi baspasóz qyzmetiniń habarlaýynsha, bul merzim qoǵamdyq tamaqtaný salasy úshin 2023-2025 jyldar aralyǵynda qamtıdy. Salyq stavkasy 6% mólsherinde belgilengen. Rejımniń basty ereksheligi - rejımdi tóleýshiler qosylǵan qun salyq pen áleýmettik salyqty tólemeıdi.
Munyń bári Salyq kodeksine engizilgen ózgerister men tolyqtyrýlardyń arqasynda múmkin bolyp otyr.
«Zańmen salyqtyq ákimshilendirý bóliginde salyq tóleýshilerdiń qyzmetine oń áser etetin normalar qabyldandy. Mysaly, 6 aılyq eseptik kórsetkish nemese 17 502 teńge salyq beresheginiń shekti mólsheri belgilengen. Odan tómen bolsa shottarǵa tyıym salynbaıdy», - dep jazylǵan túsindirmede.
Kodekske engizilgen túzetýler boynsha bankterge salyq tóleýshi qaryzdy tólegennen keıin birden shot ashý quqyǵy berildi. Bul salyq bereshegi ótegen shottardyń jyldam ashylýyna múmkindik beredi.
«Memleket basshysynyń Úkimettiń 1 sáýirdegi keńeıtilgen otyrysynda bergen tapsyrmalaryn oryndaý úshin 2021 jylǵy 1 sáýirden bastap 1 shildege deıin zardap shekken salalarda eńbekaqy tóleý qorynan jeke tabys salyq jáne áleýmettik salyq tóleýdi keıinge qaldyrý engizildi. Bul ereje bólshek salyq rejımi úshin anyqtalǵan 114 qyzmet túrine qoldanylýy múmkin. Pandemııaǵa baılanysty shekteý sharalaryna baılanysty 2019 jáne 2020 jyldarǵa rezıdenttik sertıfıkatyn usyný merzimi 2021 jylǵy 31 jeltoqsanǵa deıin uzartyldy», - dep jazady Ulttyq ekonomıka mınıstrliginiń mamandary.
Atalǵan qadam shekteý sharalary kezeńinde qosarlanǵan salyq salýdy boldyrmaýǵa baǵyttalǵan. Óıtkeni shet elderde karantındik sharalardy engizý sebebinen qujattardy usyný qıyn.
«Osylaısha, qabyldanǵan sharalar der kezinde iske asty. Bıznes sýbektileriniń aınalym qarajatyn ulǵaıtýǵa jáne olardy basqa óndiristik shyǵystarǵa baǵyttaýǵa, salyq mindettemelerin oryndaýdy jeńildetýge múmkindik beredi», - dep jazylǵan resmı aqparatta.
