Salyq basqarmasynyń bastyǵy qamaýǵa alyndy - Qarjy polıtsııasy
ASTANA. 3 maýsym. QazAqparat - Qostanaı oblysy Jitiqara aýdanynyń salyq qyzmetkerleri Jańa jyldy kásipkerlerdiń aqshasyna toılaǵan. Sol úshin Jitiqara aýdany boıynsha Salyq basqarmasynyń bastyǵy B.Maqashev ustaldy.
Qarjy polıtsııasy oǵan qyzmettik ókilettigin birneshe ret teris paıdalanǵan degen aıyp taǵyp otyr. 26 mamyrda Maqashevqa qatysty jeke kásipkerdi ákimshilik jaýapkershilikke tartpaý úshin odan 2 tonna sulyny jetkizip salý boıynsha aqysyz avtoqyzmetti kórsetýdi talap etken degen kúdikpen qylmystyq is qozǵalǵan. Maqashev jańa jyldyq saltanatty kesh uıymdastyrý úshin 2 jeke kásipkerden jalpy somasy 130 myń teńge aqsha qarajatyn zańsyz alǵan. Sondaı-aq ol 2012 jylǵy qarashada memlekettik bıýdjetke zeınetaqy tólemderin ýaqytyly jibermegeni úshin jeke kásipkerdi ákimshilik jaýapkershilikten zańsyz bosatqan.
Qarjy polıtsııasy baspasóz qyzmetiniń habarlaýynsha, 31 mamyr kúni Maqashev sot sanktsııasymen qamaýǵa alyndy. Qylmystyq ister tergelýde.
