Salvador prezıdenti Venesýelaǵa tutqyndar almasýdy usyndy
ASTANA. KAZINFORM – Salvador prezıdenti Naıb Býkele Venesýela osynsha saıası tutqyndy bosatqan jaǵdaıda Tramp ákimshiligi Salvadorǵa deportatsııalaǵan venesýelalyqtardy bosatatynyn málimdedi, dep habarlaıdy Kazinform agenttiginiń menshikti tilshisi.
– Sizderge deportatsııalanǵan 252 venesýelalyqtyń 100 paıyzyn repatrıatsııalaýdy kózdeıtin gýmanıtarlyq kelisimdi usynǵym keledi. Onyń ornyna Siz ustap otyrǵan myńdaǵan saıası tutqynnyń 252-in bosatý jáne jetkizýdi qarastyryp kórińiz, - dep jazdy prezıdent Naıb Býkele Venesýela prezıdenti Nıkolas Madýroǵa H áleýmettik jelisinde joldaǵan hatynda.
Señor @NicolasMaduro, usted ha dicho en numerosas ocasiones que quiere a los venezolanos de regreso y en libertad.
— Nayib Bukele (@nayibbukele) April 20, 2025
A diferencia de usted, que tiene presos políticos, nosotros no tenemos presos políticos. Todos los venezolanos que tenemos bajo custodia fueron detenidos en el…
Naýryz aıynan bastap AQSh úkimeti Tren de Aragua jáne MS-13 bandylarymen baılanysy bar dep aıyptalǵan venesýelalyqtar men salvadorlyqtardy Salvadorǵa jiberdi. Onda Býkele sottalǵan qylmyskerlerdi AQSh úshin aqyly túrde ustaýǵa kelisti. Bul týraly The New York Times habarlady.
Venesýelanyń bas prokýrory Salvadorda qamaýda otyrǵan, kóbi sotty bolmaǵan venesýelalyqtardy dereý bosatýdy talap etti.
Óz kezeginde Býkele saıası tutqyndary joq ekenin, al qamaýdaǵy barlyq venesýelalyq AQSh-pen bandylarǵa qarsy operatsııa aıasynda qamaýǵa alynǵanyn atap ótti.
Salvador prezıdenti byltyr qýǵyn-súrgin kezinde Madýro úkimeti ustaǵan birneshe adamdy (Rafael Týdaresa, Edmýndo Gonsalestiń kúıeý balasy; tilshi Roland Karreno; advokat jáne belsendi Rosıo San Mıgel) bostandyqqa shyǵarýdy surady. Sondaı-aq almasý aıasynda ol Venesýela prezıdentine basqa elderden (AQSh, Germanııa, Argentına, Bolıvııa, Izraıl, Iran, Ispanııa, Italııa, Kolýmbııa, Lıvan, Meksıka, Ýkraına, Portýgalııa, Frantsııa, Ekvador jáne t.b.) taǵy 50-ge jýyq azamatty bosatý týraly aıtqan.
– Saıası tutqyndaryńyz eshqandaı qylmys jasaǵan joq. Olardyń túrmede otyrýynyń birden-bir sebebi – Sizge jáne Sizdiń saılaýdaǵy alaıaqtyqqa qarsy sóılegeni, - dep jazdy Salvador prezıdenti Naıb Býkele H-te.
Señor @NicolasMaduro, usted ha dicho en numerosas ocasiones que quiere a los venezolanos de regreso y en libertad.
— Nayib Bukele (@nayibbukele) April 20, 2025
A diferencia de usted, que tiene presos políticos, nosotros no tenemos presos políticos. Todos los venezolanos que tenemos bajo custodia fueron detenidos en el…
Venesýelalyq «Foro Penal» quqyq qorǵaý uıymynyń málimetinshe, Venesýelada 68-ge jýyq sheteldik tólqujat ıeleri zańsyz túrmege qamaldy jáne olar 900-ge jýyq venesýelalyq saıası tutqynmen birge qamaýda otyr.
Buǵan deıin HAMAS Izraıldiń Gaza sektoryna jasaǵan shabýyldaryn toqtatyp, áskerin Gazadan shyǵarý shartymen barlyq tutqyndy bosatýǵa daıyn ekenin málimdegenin habarlaǵan edik.