Saltanat Jamalova: Іri eki qalada karantın jarııalanýy — der kezinde qolǵa alynǵan shara
NUR-SULTAN. QazAqparat – «Prezıdent indetpen kúres júrgizip jatqan medıtsına, quqyq qorǵaý qyzmetkerleriniń jalaqysyna qosymsha bir aılyq jalaqy qosyp berý jóninde tapsyrma júktedi. Bul biz úshin úlken motıvatsııa». Bul týraly Túrkistan oblysy qoǵamdyq densaýlyq basqarmasy basshysynyń mindetin atqarýshy Saltanat Jamalova aıtty, dep habarlaıdy QazAqparat.
«Búginde Qazaqstan halqy kúrdeli ahýaldy bastan ótkerip jatyr. Osy oraıda el Prezıdenti Qasym-Jomart Toqaev medıtsına qyzmetkerlerine asa úlken senim men jaýapkershilik artyp otyr. Bul senim údesinen shyǵyp, halyqtyń densaýlyǵyn saqtaýdy biz abyroıly mindetimiz dep sanaımyz. Osy rette men barsha áriptesterimdi abyroıly jumys isteýge shaqyrǵan bolar edim», - deıdi ol.
Sondaı-aq, Saltanat Jamalova iri qalalardyń karantınge jabylýyn der kezinde qolǵa alynǵan shara dep baǵalaıtynyn aıtty: «Memleket basshysy búgingi málimdemesinde birinshi másele retinde- koronavırýstyń taralýyna qarsy jumystardy kúsheıtýdi atap ótti. Óıtkeni jahandyq indetke balanyp otyrǵan derttiń taralý aýmaǵy keńeıip, ýshyǵyp barady. Qazirdiń ózinde búkil álem boıynsha bul dertke júz myńdaǵan astam adam shaldyǵyp otyr. Bul vırýstyń taralý jyldamdyǵy báseńdemeı otyr degen sóz. Bir qýanarlyǵy, bizdiń memleket indetpen kúres jumystaryn myqtap qolǵa alyp, birqatar naqty shekteýlerdi jolǵa qoıdy. Іri-iri eki qalamyzda karantın jarııalanyp, kirip-shyǵý shektetildi. Muny der kezinde qolǵa alynǵan sharalar dep esepteımiz».
Túrkistan oblysy qoǵamdyq densaýlyq basqarmasy basshysynyń mindetin atqarýshy osynaý qıyn kúnde aýrýmen maıdannyń aldyńǵy shebinde júrgen mamandardy qoldaýdyń da mańyzdylyǵyn atap ótti.
«Búgingi sózinde prezıdentimiz indetpen kúres júrgizip jatqan medıtsına, quqyq qorǵaý qyzmetkerleriniń jalaqysyna qosymsha bir aılyq jalaqy qosyp berý jóninde tapsyrma júktedi. Bul biz úshin úlken motıvatsııa ekeni daýsyz. Eń bastysy jalaqy emes, halyqtyń densaýlyǵy men qaýipsizdigi dep esepteımiz», - dedi ol.
