Saltanat Tursynbekova turmystyq zorlyq-zombylyqpen kúreske mán berip otyr
ASTANA. QazAqparat – QR prezıdentin saılaýda kandıdat Saltanat Tursynbekovanyń respýblıkalyq shtabynyń basshysy Nazym Janǵazınova «Atameken Business» telearnasyna suhbat berdi, dep habarlaıdy QazAqparat tilshisi.
N. Janǵazınova óz sózinde kandıdat S. Tursynbekova ómir boıy quqyq qorǵaý, zań salasynda qyzmet etkenin eske saldy. Sonymen qatar ol sońǵy 5 jylda turmystyq zorlyq-zombylyqpen kúresý baryn salyp, áıelder men balalarǵa qatysty qoldaý is-sharalaryn uıymdastyryp keledi.
Bul turǵyda S. Tursynbekova óńirlerdegi daǵdarys ortalyqtary men otbasyn qoldaý ortalyqtarynyń ókilderimen tyǵyz baılanysta jumys istep otyr.
Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.
