Saltanat Tursynbekova Túrkistanda zeınetkerlermen kezdesti

TÚRKІSTAN. QazAqparat - QR Prezıdenttigine kandıdat Saltanat Tursynbekova óziniń saılaýaldy úgit-nasıhat saparynda Túrkistandaǵy «Belsendi uzaq ómir súrý ortalyǵyndaǵy» zeınetkerlermen kezdesti, dep habarlaıdy QazAqparat.

Resmı málimet boıynsha, Qazaqstanda zeınet jasyndaǵy 2,25 mıllıonǵa jýyq azamat bar.

Túrkistandaǵy «Belsendi uzaq ómir súrý ortalyǵyna» sportpen aınalysýǵa, ústel oıyndaryn oınaýǵa jáne jaı ǵana áńgimelesýge kún saıyn 60-65-ke jýyq zeınetker baryp turady.

Eske salaıyq, úmitker buǵan deıin Túrkistan oblysynda 1100-ge jýyq adam jumys isteıtin Kentaý transformator zaýytynda bolyp, «Ǵızzat» múgedekter qoǵamdastyǵy motıvatsııalyq ortalyǵyna, sondaı-aq ÚEU úıine baryp, óńirdiń máselelerin talqylady.

Aıta keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady.

19 qarasha – respýblıka boıynsha tynyshtyq kúni.

Al, 20 qarashada prezıdent saılaýy ótedi.