Saltanat Tursynbekova Petropavlda turǵyndarmen kezdesý ótkizdi

PETROPAVL. QazAqparat - Búgin Petropavlda QR prezıdenttigine kandıdat Saltanat Tursynbekova Sábıt Muqanov atyndaǵy oblystyq ámbebap ǵylymı kitaphanasynda jergilikti halyqpen kezdesý ótkizdi, dep habarlaıdy QazAqparat kandıdattyń shtabyna silteme jasap.

Kezdesýde kandıdat Qazaqstandaǵy áıelder kásipkerligin damytý týraly aıtty.

Áıelder kásipkerligi ShOB sektoryndaǵy jumys oryndarynyń 31,4%-yn qamtamasyz etedi. 2020 jylǵy málimetterge sáıkes, Qazaqstanda áıelder basqaratyn kásiporyndardyń úlesi 28,3 paıyzdy qurady. Olardyń kópshiligi shaǵyn jáne orta bıznes ókilderi, olar osy sektordaǵy jumys oryndarynyń 31,4%-yn jáne eldiń jalpy ishki óniminiń shamamen 14,6%-yn qamtamasyz etedi.

Sondaı-aq, jınalǵandar kandıdattan saılaýaldy baǵdarlamasy týraly surady.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.