Saltanat Tursynbekova Almatyda quqyq qorǵaýshylarmen kezdesti

ASTANA. QazAqparat - QR prezıdentin saılaýda kandıdat Saltanat Tursynbekova Almatyda quqyq qorǵaýshylarmen kezdesý ótkizdi, dep habarlaıdy QazAqparat.

Atap aıtqanda, kezdesý barysynda quqyq qorǵaýshylar, úkimettiń emes uıymdardyń ókilderi óz pikirlerin aıtyp, tıisti usynystaryn jetkizdi.

Jıyn barysynda turmystyq zorlyq-zombylyq, tolyq emes otbasylar, kópbalaly analar, jalǵyz basty analar, jeńildikpen beriletin ıpoteka, áleýmettik turǵyn úı, adam saýdasymen kúres, balalardyń quqyqtaryn qorǵaý, kedeılik pen tabys teńsizdigi, daryndy jastardyń múmkindikteri men olardyń shetelge ketýi, sondaı-aq quqyq qorǵaýshylardyń máselelerine qatysty jergilikti atqarýshy organdardyń tıisti áreket etpeýi taqyryptary qozǵaldy.

Sonymen qatar quqyq qorǵaýshylar atalǵan máselelerdi sheshý baǵytynda Saltanat Tursynbekovaǵa áıelder partııasyn qurý usynysyn aıtty.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.