Saltanat Tájıeva 1-synyp oqýshysynyń birkúndik kóteretin sómkesiniń salmaǵy 5 keliden asatyndyǵyn dáleldedi
ASTANA. QazAqparat - Saltanat Tájıeva 1-synyp oqýshysynyń birkúndik kóteretin sómkesiniń naqty salmaǵyn kórsetetin beınetaspany jarııa etti , dep habarlaıdy QazAqparat.
«Tez arada jaýap bergeni úshin Bilim jáne ǵylym mınıstrligine alǵys bildire otyryp, 1-synyp oqýshysynyń birkúndik kóteretin sómkesiniń naqty salmaǵyn kórsetetin beınetaspany nazarlaryńyzǵa usynamyn», - dep jazdy Saltanat Tájıeva óziniń Feısbýktegi paraqshasynda. Beınetaspada Saltanat Tájibaeva 1-synyp oqýshysynyń seısenbi kúngi sabaqqa qajetti saýat ashý, ózin-ózi taný, kórkem eńbek, jaratylystaný, matematıka oqýlyqtary men qajetti zattaryn jáne jarty lıtr sý salyp, sómkeniń salmaǵyn tarazyǵa salyp ólshedi. Sol kezde sómke salmaǵy 5 keli 225 gramm boldy. Oǵan qosymsha deneshynyqtyrý qajetti kıimderin qosqanda balanyń bir kún arqalap júretin sómkesiniń salmaǵy 6 keli 375 gramm shyqty.
Aıta keteıik , búgin bastaýysh synyp muǵalimi jáne oqý baǵdarlamasyn jasaýshy Baıtenova Qalamqas Qadyrbekqyzy 1-synyp oqýshysynyń barlyq oqýlyqtary men jumys dápterleriniń salmaǵy jeńil jáne búgingi tehnıkalyq, gıgıenalyq talaptarǵa tolyǵymen saı keletindigin, sondyqtan da aptasyna 5 kúndik sabaqtaryna aparatyn oqýlyqtardyń ózi de balaǵa eshqandaı aýyrlyq ta, qıyndyq ta týdyrmaıtyndyǵyn aıtqan bolatyn.
