Saltanat Núkenovanyń ólimine qatysty qylmystyq isti tergeý aıaqtaldy – ІІM

Іshki ister mınıstrligi Saltanat Núkenovanyń ólimine qatysty qylmystyq isti tergeýdi aıaqtady. Bul týraly atalǵan vedomstvonyń baspasóz qyzmetinen málim etti, dep habarlaıdy Kazinform.

«Astana qalalyq polıtsııa departamenti S.Núkenovany óltirý faktisi boıynsha qylmystyq isti tergeýdi aıaqtady», - dep málim etti mınıstrlikten.

Sonymen qatar vedomstvo «Gastroortalyq» dırektoryna qatysty qylmystyq isti tergeý jumystarynyń aıaqtalǵanyn atap ótti.

«Taraptar qylmystyq is materıaldarymen tanysa bastady», - dep naqtylady vedomstvodan.

Eske salaıyq, bıylǵy 9 qarashada Astanadaǵy Baý meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem kelgenshe kóz jumdy.

Keıin Іshki ister mınıstrligi Qýandyq Bıshimbaevtyń ustalǵanyn rastady.

Elorda polıtsııa departamenti QR Qylmystyq kodeksiniń 99-baby 1-bóligi boıynsha tergeý amaldaryn bastady.

11 qarashada Astana qalasynyń mamandandyrylǵan aýdanaralyq tergeý soty kúdikti Qýandyq Bıshimbaevti 2 aıǵa qamaýǵa alý sharasyn sanktsııalady.

12 qarashada kisi ólimi bolǵan «Gastro-Ortalyq» meıramhanasynyń dırektory ustaldy.

15 qarashada ótken keńeste Prezıdent Q.Toqaev ІІM-ge Bıshimbaevtiń isin erekshe baqylaýǵa alýdy tapsyrdy.