Ispanııaǵa eki jylda 2 mln-nan astam mıgrant kelgen
ASTANA. KAZINFORM – 2023–2024 jyldary Ispanııaǵa 2 mıllıonnan astam mıgrant keldi. Olardyń basym bóligi — Latyn Amerıkasynan kelgender, dep habarlaıdy Euronews.
Ispanııada sheteldik turǵyndar sany aıtarlyqtaı ósip keledi. Esepteýlerge sáıkes, 2023 jáne 2024 jyldary eldegi ár tórtinshi turǵyn sheteldik bolǵan.
Bul úrdis kóshi-qon aǵynynyń kúsheıgenin kórsetedi. Kelýshiler sany 2000 jyldardyń basyndaǵy rekordtyq kórsetkishterge jaqyndaǵan. Qazirgi tańda mıllıondaǵan sheteldik adam Ispanııanyń turaqty halqynyń bir bóligine aınalyp, eldiń Eýropadaǵy negizgi mıgratsııalyq habtardyń biri retindegi bedelin nyǵaıtyp otyr.
Ásirese Latyn Amerıkasynan kelgender sany aıtarlyqtaı artqan. Ispanııada Kolýmbııa, Perý jáne Venesýeladan kelgen qaýymdastyqtar keńeıip jatyr.
Halyqaralyq jaǵdaı da bul kóshi-qon úderisine áser etti. Ýkraınadaǵy aýqymdy soǵys jyldarynda Ispanııadaǵy ýkraın dıasporasy da kóbeıdi.
Mıgranttardy belsendi qabyldaý máselesi qoǵamdyq pikirtalas ta barǵan saıyn ótkir taqyrypqa aınalyp júr. Bıyl sáýir aıynda Pedro Sanches úkimeti júzdegen myń mıgrantty zańdastyrý týraly jarlyqty bekitti.
Euronews arnasyna bergen suhbatynda Ispanııanyń kóshi-qon mınıstri Madrıdtiń bul saladaǵy saıasatyn qorǵap, onyń Eýropadaǵy mıgranttarǵa baqylaýdy kúsheıtý úrdisine qarama-qaıshy ekenin atap ótti.
Aıta ketelik EO-da zańsyz mıgranttardy qaıtarý sharalary qatańdaıdy.
