Saltanat Ahmetova men Nurlan Álimjanov QR Tuńǵysh Prezıdenti Qorynyń syılyǵyn aldy (FOTO)
ASTANA. QazAqparat - Búgin Astanadaǵy «Nazarbaev ortalyǵynda» 19 talantty ǵalymdar men óner maıtalmandary Qazaqstan Respýblıkasy Tuńǵysh Prezıdenti - Elbasy Qory syılyǵynyń laýreattary atandy.
«Talantty jastardy qoldaý - Tuńǵysh Prezıdent qorynyń basty maqsattarynyń biri. Sondyqtan, júzdegen jastar jyl saıyn bizdiń nazarymyzǵa iligip, osyndaı qoldaý taýyp otyrýy dástúrge aınaldy», - dep atap ótti Qazaqstan Respýblıkasy Tuńǵysh Prezıdenti - Elbasy Qorynyń dırektory Saǵyndyq Nurahanov.
Onyń aıtýynsha, Qor ashylǵan 6 jyl ishinde 100-ge jýyq syılyq tabys etilgen.
«Bul nagrada tanymal qaıratkerlerge ózderiniń joǵary statýsyn taǵy bir dáleldeýdiń, al daryndy debıýtanttar úshin ózderin kórsetýdiń tamasha múmkindigi», - deıdi qor dırektory.
Aıta keteıik, 2014 jyly qor syılyǵyna úmitker retinde elimizdiń túkpir-túkpirinen 73 joba usynyldy. Barlyq ótinimderdi jetekshi sarapshylar, Qor janyndaǵy Jas ǵalymdar keńesi men Jas shyǵyrmashyl jastar keńesiniń múshelerinen quralǵan konkýrstyq komıssııa qarady. Іrikteý nátıjesi boıynsha 19 eń daryndy ókil bedeldi nagradaǵa ıe boldy. Olardyń ishinde «Astana Opera» opera trýppasynyń solısi Saltanat Ahmetova, «Qazaqfılm» kınostýdııasynyń akteri Nurlan Álimjanov, ál-Farabı atyndaǵy QazUÝ oqytýshysy, hımııa ǵylymdarynyń kandıdaty Ǵalııa Іrmuhametova, S. Seıfýllın atyndaǵy Qazaq agrotehnıkalyq ýnıversıtetiniń oqytýshysy, bıologııa ǵylymdarynyń kandıdaty Vadım Hasanov jáne basqa da daryndylar bar.
