Salt-dástúrdi jastarǵa zaman talabyna saı jetkizý qajet –«Rýhanı jańǵyrý» ortalyǵynyń basshysy
Elimizdegi «Rýhanı jańǵyrý» baǵdarlamasy mádenıet pen óner salasyna úlken serpin berdi. Tarıh qaıta túlep, túrli zertteýler júrgizildi. Tulǵalardyń ómirbaıany, eńbek joly jazyldy, derekti materıaldar kópshilik nazaryna usynyldy. Bul baǵyttaǵy jumys ári qaraı da jalǵasyn tabady. Óıtkeni ótkendi saralap, bolashaqty baǵdarlaý búgingi kúnniń jumysy. Aqtóbe oblysyndaǵy «Rýhanı jańǵyrý» ortalyǵynyń basshysy Nurlyhan Hasenov birneshe jylǵa sozylǵan eńbektiń bergeni mol ekenin aıtady.
«Prezıdenttiń bastamasymen on ulttyq jobanyń tizimi jarııalandy. Onyń ishinde ulttyq «Rýhanı jańǵyrý» jobasy bar. Osy bes jylda kóp is atqaryldy. Negizi ulttyq joba úsh negizgi baǵytqa bólingen. Birinshisi – rýhanı jańǵyrý qundylyqtary jáne memlekettik tildi damytý. Ekinshi – el rýhy. ıAǵnı, mádenıet salasyndaǵy jumystar. Al úshinshisi – jastarǵa arnalǵan «Táýelsizdik urpaqtary» baǵyty.
«Rýhanı jańǵyrý» baǵdarlamasynyń negizgi aýdıtorııasy – jastar. Aǵa býyn men orta býynǵa rýhanı jańǵyrýdyń prıntsıpterin úırete berýdiń qajeti joq. Ol túsinikti dúnıe. Sondyqtan da burynnan kele jatqan salt-dástúrlerimizde zaman talabyna saı jastarǵa jetkizý – baǵdarlamanyń negizgi mindetterine jatady», - dedi Nurlyhan Hasenov.
Onyń aıtýynsha, «Rýhanı jańǵyrý» baǵdarlamasyn júzege asyrǵan kezde materıaldyq-tehnıkalyq bazany nyǵaıtpaı, qoǵamdyq sanany jańǵyrtý múmkin emes. Sondyqtan mádenıet salasy nysandaryn salý, jóndeý mańyzdy. Byltyrdyń ózinde oblysta 6 nysan salynyp, 12-ine jóndeý júrgizildi.
«Al «Kıeli jerler geografııasy» baǵdarlamasy arqyly ishki týrızmdi damytýǵa bolady. ıAǵnı, osy ýaqytqa deıin Abat Baıtaq, Han molasy memorıaldyq keshenin abattandyrý, qaıta qalpyna keltirý jumystary júrgizildi. Temir aýdanynda Dosjan ıshan meshiti qalpyna keltirildi. Bir jaǵynan tarıhymyz qaıta qalpyna keltirildi. Ekinshiden, ishki týrızmniń damýyna yqpal etedi. Bul tusta ınfraqurylym máselesi de týyndaıdy. Meniń oıynsha jumys kezeń-kezeńimen atqarylyp jatyr. Qazirgi kezde oqýshylar, stýdentter jıi ekskýrsııaǵa shyǵyp júr», - dedi Nurlyhan Hasenov.