Salt atty kýrer almatylyqtardy tań qaldyrdy
ALMATY. QazAqparat - Almaty ortalyǵynda atqa mingen kýrer kópshiliktiń nazaryn aýdardy, dep habarlaıdy QazAqparat tilshisi.
Bul vıdeorolık áleýmettik jelide tarap ketti. Nazarbaev jáne Sátpaev kósheleriniń qıylysynda salt atty kýrerdiń ketip bara jatqanyn kýágerler túsirip alǵan.
Qalalyq polıtsııa departamentiniń patrýldik polıtsııa ekıpajy at mingen jigitti toqtatyp, túsindirý jumystaryn júrgizgen.
«Bul - úlken megapolıs ishinde tyıym salynǵan kólik. At mingeni úshin jaýapkershilik qarastyrylǵan. Jigit aıtylǵan nárseni túsingenin, endi ondaı qatelik jasamaıtynyn aıtty», - dedi polıtsııa departamentinen.
