Salonyn polıetılenmen qorshap qoıǵan jambyldyq kóligin kýáliksiz júrgizgen
TARAZ. QazAqparat – Jambyldyq polıtseıler áleýmettik jelide keńinen tarap ketken beınerolıktiń ıesin izdep tapty. Onyń buǵan deıin kólik júrgizý quqyǵynan aırylǵandyǵy belgili boldy, dep habarlaıdy QazAqparat tilshisi.
Áleýmettik jelide taksı júrgizýshisiniń koronavırýs ınfektsııasynan qorǵaný úshin kóliginiń salonyna polıetılennen qorshaý jasap alǵany týraly beınejazba taraǵan bolatyn. Jambyl oblysynyń Polıtsııa departamenti atalǵan beınerolıkke nazar aýdaryp, avtokólik ıesin izdep tapty. Zerdeleý barysynda onyń basqa da quqyq buzýshylyq áreketi anyqtaldy. Bul týraly oblystyq polıtsııa departamentiniń baspasóz qyzmeti habarlady.
«Merki aýylynda polıtsııa qyzmetkerleri 39 jastaǵy ónertapqysh avtoáýesqoıdy anyqtady. Ol ózin vırýstan «qaýipsizdendirý« barysynda kólik júrgizý qaýipsizdigin oılamaǵan. ıAǵnı qoldan jasalǵan bóget jolǵa tolyqtaı sholý jasaýǵa kedergi keltiredi.
Tekserý barysynda polıtsııa qyzmetkerleri basqa da quqyq buzýshylyq deregin anyqtady. Atap aıtsaq turǵyn 2018 jyly sot qaýlysymen azamat QR ÁQBtK-niń 608-baby 1-bóligi boıynsha kólik quralyn júrgizý quqyǵynan úsh jylǵa aıyrylǵan», - delingen vedomstvo habarlamasynda.
Qazirgi tańda kólik aıyp turaǵyna qoıylyp, júrgizýshi QR ÁQBtK-niń 612-baby 3-bóligi jáne 590-baby 5-bóligi boıynsha ákimshilik jaýapkershilikke tartyldy. Sot qaýlysymen quqyq buzýshyǵa 50 AEK (138 900 teńge) kóleminde aıyppul salynǵan.
