Almaty-Astana baǵytyndaǵy reıste apattyq jaǵdaı jarııalandy

ASTANA. KAZINFORM – 17 jeltoqsan kúni saǵat 7:38-de Almaty – Astana baǵyty boıynsha KS-851 turaqty jolaýshylar reısin oryndaý kezinde «Eır Astana» AQ paıdalanýyndaǵy Airbus A321N (EI-KDG) áýe kemesinde avıatsııalyq oqıǵa oryn aldy.

«Qazaeronavıgatsııa» RMK Áýe qozǵalysyn josparlaýdyń bas ortalyǵynyń málimetinshe, áýe kemesiniń salonynda tútinniń paıda bolýyna baılanysty ekıpaj MAYDAY apattyq dabylyn jarııalaǵan.

Aldyn ala aqparat boıynsha, jolaýshylar men ekıpaj músheleri arasynda zardap shekkender joq.

- Áýe kemesi saǵat 7:40-ta qondy. Qaýipsizdikti qamtamasyz etý maqsatynda Almaty qalasy áýejaıynyń órtke qarsy jáne avarııalyq-qutqarý qyzmetteri jedel túrde jumyldyryldy.

Qazirgi ýaqytta atalǵan avıatsııalyq oqıǵanyń mán-jaıyn Kóliktegi oqıǵalar men oqys oqıǵalardy tergep-tekserý departamentiniń qyzmetkerleri anyqtap jatyr, - dep jazdy Azamattyq avıatsııa komıtetinen.

Aıta keteıik, mınıstr ushaqta esinen tanyp qalǵan jolaýshyǵa alǵashqy medıtsınalyq kómek kórsetti.