Salmaq «jınaǵan» boksshy qyz burymyn kesýge májbúr boldy
ASTANA. QazAqparat -Reseıdiń Chelıabi qalasynyń boksshysy Irına Rýsskıh el chempıonatyna qatysý úshin salmaq ólsheý kezinde burymyn kesip tastady.
Bul týraly Facebook-tiń Borıs Valıev esimdi paıdalanýshysy RF quramasynyń bapkeri Ivan Shıdlovskııge silteme jasap habarlady, dep jazady Lenta.rý.
Irına Rýsskıh salmaq ólsheý rásimi kezinde ruqsat etilgen kórsetkishten 50 grammǵa asyp ketken. Jarystan shyǵyp qalmas úshin sportshy qyz sol jerde burymyn kesip tastaǵan. Nátıjesinde ol týrnırde bes jekpe-jek ótkizdi, fınalǵa deıin jetip, kúmiske qol jetkizdi.
Bokstan Reseı chempıonaty Groznyı qalasynda ótti.
