Salmaǵy 400 keli, sýmodan burynǵy álem chempıony kóz jumdy
ASTANA. QazAqparat - Aralas jekpe-jekterdiń (MMA) burynǵy qatysýshysy, amerıkandyq Emmanýel ıArboro Rıchmondta (Vırdjınııa shtaty, AQSh) 51 jasynda kóz jumdy.
Bul týraly Absolıýttik jekpe-jekter chempıonatynyń (UFC) resmı saıtynda habarlandy.
Sportshynyń qaıtys bolý sebepteri týraly habarlanbaýda. ıArboro Gınnestiń rekordtar kitabyna eń aýyr sportshy retinde kirgen: onyń salmaǵy 400 keli, boıy 203 santımetr bolǵan. Aralas jekpe-jekterden basqa, ol sýmo, kúres jáne dzıýdo boıynsha jarystarǵa qatysyp, sondaı-aq amerıkandyq fýtbolmen aınalysqan.
ıArboronyń esebinde MMA erejeleri boıynsha úsh jekpe-jek bar, sonyń ishinde ol bir ret jeńiske jetken. 1995 jyly amerıkandyq sportshy sýmodan álem chempıonatynda jeńiske jetti. 1998 jyly sporttyq mansabyn aıaqtaǵan ıArboro AQSh-ta sýmo elshisi bolyp, sondaı-aq óz-ózin somdaǵan birneshe fılmge túsken.
