Sall-ortalyqqa ótken jyly 6 myńnan astam qońyraý kelip túsken - OQO

ShYMKENT. QazAqparat - Ońtústik Qazaqstan oblysyndaǵy kommýnaldyq máseleler boıynsha jumys isteıtin biryńǵaı baılanys ortalyǵyna ótken 2016 jyly túrli máseleler boıynsha 6213 saýal kelip túsken, dep habarlaıdy óńir basshysynyń baspasóz qyzmeti.

Atalǵan saýaldardyń  3386-na Sall-ortalyǵynyń qyzmetkerleri turǵyndarǵa sol sátte qanaǵattanarlyq jaýap bergen. Bul saýaldardyń  basym bóligi mekenjaı men mekemelerdiń telefonyn surap habarlasqan. Kelip túsken qońyraýdyń qalǵan 2827-si boıynsha tıisti jumystar júrgizilip, turǵyndardyń ótinishteri qanaǵattandyrylǵan.

 Osyndaǵy ótinishterdiń basym bóligi jylý máselesi boıynsha kelgen - 746, kógildir otyn boıynsha 262, elektr qýatymen qamtamasyz etý máselesi negizinde - 430, aýyz sý boıynsha - 385, al jol máselesimen 79 ótinish kelip tússe, Shymkent qalalyq TÚKSh bólimine 314 habarlama joldanǵan. Al qalǵan 609 aryz-shaǵym ózge de jaýapty mekemelerge jiberilip, tıisti jumystar júrgizilgen.