Sall-ortalyǵyna fermerlerden túsken qońyraýlar sany kúrt artty - «Qazagromarketıng»
Bul týraly «Qazagromarketıng» AQ baspasóz qyzmetinen habarlady.
Aǵymdaǵy jyly sharýalarǵa arnalǵan jeli 1786 qońyraý qabyldasa, 2013 jyldyń qańtar-tamyz aılarynda bul kórsetkish 349-ǵa teń bolatyn.
Qońyraý shalý sany byltyrǵy tamyzdan bastap aıtarlyqtaı jıilep, búgingi kúnge deıin joǵary deńgeıde saqtalyp otyr. Eger ótken jyldyń qańtar-maýsym aılarynda aı saıyn ortasha alǵanda 20-30 qońyraý qabyldansa, shildede 50 qońyraý shalý, tamyzda - 119, qyrkúıekte - 180, qazan aıynda 247 qońyraý tirkelgen.
Baılanys ortalyǵyna habarlasý jaǵdaılarynyń jıileýi, birinshiden, fermerlerdiń tegin baılanys jelisi týraly aqparat alýymen, ekinshiden, Aýyl sharýashylyǵy mınıstrligi men «QazAgro» ulttyq holdınginiń júzege asyryp otyrǵan agrobıznesti qoldaý sharalary aıasynyń keńeıýimen, ıaǵnı otandyq sharýalardyń atalmysh sharalar týraly aqparatqa degen qyzyǵýshylyq tanytýymen baılanysty.
Habarlasýshylardyń saýaldary dástúrli bolyp keledi. Agrarlyq saladaǵy nesıe berý baǵdarlamalary týraly aqparat eń jıi qoıylatyn saýal bolyp tabylady, qońyraýlardyń 60% osy taqyrypqa arnalady.
Ózektiligi jaǵynan ekinshi oryndaǵy saýal - bul agroónerkásiptik keshen (AÓK) sýbektilerin memlekettik qoldaýdyń jańa qarjylyq quraldary, naqty aıtqanda, qarjylyq saýyqtyrý úshin AÓK sýbektileriniń nesıe men lızıngtik mindettemeleri boıynsha syıaqy stavkalaryn sýbsıdııalaý, aýylsharýashylyq tehnıkasy men qural-jabdyqtary lızıngin sýbsıdııalaý, ınvestıtsııalyq salynymdar kezindegi shyǵystardyń bir bóligin óteý baǵdarlamalary (qońyraýlardyń shamamen 20% osy taqyryptarǵa tıesili).
Ósimdik jáne mal sharýashylyǵy salasyndaǵy shyǵyndardy sýbsıdııalaý taqyryby tutynýshylardyń 10%-yn qyzyqtyratyn bolyp shyqty.
6-7% qońyraý shalýshy jeke isin bastaý úshin beriletin shaǵyn nesıelerdi bilgisi keledi.
Esterińizge salatyn bolsaq, baılanys jelisine Qazaqstan aýmaǵynan barlyq uıaly jáne statsıonarlyq telefondardan tegin habarlasýǵa bolady. Baılanys ortalyǵy 2008 jyly qurylǵan. Bul jeli arqyly aýylsharýashylyq taýar óndirýshileri agrarlyq salany memlekettik qoldaý sharalary jónindegi aqparatty bilip, «QazAgro» holdıngisiniń enshiles kásiporyndary beretin jeńildetilgen nesıeler týraly málimettermen qanyǵa alady. Sonymen qatar agroónerkásip keshen úshin qajetti barlyq materıaldyq-tehnıkalyq resýrstar men qyzmet túrlerin usynatyn jekemenshik kompanııalar jónindegi aqparat jaıynda habardar bolý múmkindigi de qarastyrylǵan.
Sall-ortalyqtyń qyzmeti Astana ýaqyty boıynsha jumys kúnderi saǵat 9.00-den 18.30-ǵa deıin qoljetimdi (úzilis 13.00-den 14.30-ǵa deıin). Jumys ýaqytynan tysqary mezgilde habarlasqandardyń qoıǵan saýaldary taspaǵa jazylyp, keıinnen operatorlardyń nazaryna ilinedi.
«Qazagromarketıng» AQ-nyń baılanys ortalyǵy 8 800 080 70 80 nómiri boıynsha jumys isteıdi.
