Salqyn sýǵa túsýdiń aǵzaǵa áseri
ASTANA. QazAqparat - Sýdyń jylý ótkizý qabileti aýanyń jylý ótkizý qasıetinen 28 ret artyq ekendigin eskersek, sý oıyǵyna túsken kezde deneniń syrty birden jylý bóle bastaıdy.
Sýyqtyń az ýaqytta (1-2 mınýt) áser etýinde pýls 10-15 paıyzǵa túsedi, aýa jutý 6 esege deıin artady, qyltamyrlardy nyǵaıtýǵa keremet gımnastıka bolyp tabylatyn teriniń kenet tartylýy oryn alady. Sondaı-aq ishki aǵzalarǵa qan mólsheriniń túsýi joǵarylaıdy, dep habarlaıdy «Qazaqstan» ulttyq arnasy.
Adam salqyn sýǵa túskennen keıin rahattanady jáne emotsıonaldy jáne rýhanı kúshtiń joǵarylaǵanyn sezinedi, ol qanǵa «qýanysh gormondary» - endorfınderdiń tastalǵanyna negizdeledi. Bundaı gormondardyń (kortıkorsteroıdter) myqty asqynýǵa qarsy áreketteri bar, sozylmaly asqynǵan aýrýlary bar adamdardyń salqyn sýǵa túsýden saýyǵýy osylaısha túsindiriledi.
Salqyn sýǵa shomylý ejelden kele jatqan ádisterdiń biri.
Tarıhta esimi qalǵan Ivanovtyń ádisi boıynsha densaýlyǵyn durystap alǵan jandar týraly kóp aıtylady. Onyń aıtýynsha, «ústińe sýyq sý quıý - bul jaı muzdaı sýǵa shomylyp shyǵý emes. Munyń astarynda tereń oı, maǵyna bar. Ózińdi shynyqtyrasyń, oıyńdy tazartasyń».
