Salyqtyq ótinish pen salyq eseptiligin berý sharttary da jeńildetiledi
ASTANA. KAZINFORM – Tsıfrlyq transformatsııa aıasynda salyqtyq ákimshilendirý salasynda da qoldanystaǵy rásimderdi bıýrokratııadan aryltý jóninde sharalar qabyldaýdy talap etedi.
Salyq eseptiligin belgilengen merzimde usynbaý tek ákimshilik jaýapkershilikke ǵana emes, sonymen qatarshyǵys operatsııalarynyń toqtatylýyna ákelip soǵady,-deıdi mamandar.
Salaýat Múksimovtyń aıtýynsha, eseptilik kezeńde kiristerdiń bolmaýyna baılanysty nóldik nátıjeleri bar esepti usynýdy mindetteý bıýrokratııany týdyrýdy talap etetin qajetsiz talaptardyń qataryna jatqyzýǵa bolady. Sondyqtan, jańa salyq kodeksiniń jobasy eseptik kezeńde salyq salý obektisi, ıaǵnı kásipkerlik qyzmetten qandaıda bir kiris bolmaǵan jaǵdaıda tabys salyǵy boıynsha deklaratsııany usyný qajettiliginen bosatady. Atalǵan jaǵdaılarda usynylmaǵan salyq eseptiligi nóldik kórsetkishtermen usynylǵan bolyp esepteledi.
- Sondaı-aq, salyqtyq ótinish pen salyq eseptiligin berý sharttary da jeńildetiledi. Jalpy, memlekettik apparattyń bıýrokratııadan aryltý boıynsha jumys aıasynda aýylsharýashylyǵy bilim berý, densaýlyq saqtaý, eńbek jáne áleýmettik qorǵaý, ekologııa jáne tabıǵı resýrstar qarjy, saýda jáne ıntegratsııa, kólik, ónerkásip jáne qurylys salalarynda taldaý júrgizildi, - dedi QR Memlekettik qyzmet isteri agenttiginiń tóraǵasy.
Al, aǵymdaǵy jyldyń sońyna deıin energetıka, sý resýrstary jáne TJ salalarynda memlekettik organdar men uıymdardyń qyzmetine taldaý júrgiziledi. Sonymen qatar, tekserý nátıjesine saı tıisti óńirlerde jumys toptary men talqylaý alańdary qurylady. Spıker brıfıng barysynda atalǵan salalardaǵy sarapshylar men bıznes qaýymdastyǵynyń jáne úkimettik emes uıymdardyń ókilderin osy jumysqa belsendi qatysýǵa shaqyrdy.
Zulqarnaı ERMURATULY
