Salyq jáne kedendik bereshegi bar tulǵalardyń tizimi jarııalandy

ASTANA. KAZINFORM – Memlekettik kirister komıteti 2025 jylǵy 1 qazanǵa deıin salyq jáne kedendik mindettemeler boıynsha bereshegi bar tulǵalardyń tizimin jarııalady. 

2025 jylǵy 1 qazandaǵy jaǵdaı boıynsha kedendik tólem, salyq, dempıngke qarsy arnaıy ótemaqy bajy, ósimpul men paıyz boıynsha bereshegi paıda bolǵan kúnnen bastap 4 aı ishinde ótemegender – 1 361 sýbekt;

2025 jylǵy 1 qazandaǵy jaǵdaı boıynsha bereshegi paıda bolǵan kúnnen bastap 4 aı ishinde ótemegen, 10 AEK-ten asatyn salyq bereshegi bar jeke kásipkerler men jeke praktıkamen aınalysatyn tulǵalar – 18 809 sýbekt.

2025 jylǵy 1 qazandaǵy jaǵdaı boıynsha bereshegi paıda bolǵan kúnnen bastap 4 aı ishinde ótemegen, 150 AEK-ten asatyn salyq bereshegi bar zańdy tulǵalar men olardyń qurylymdyq bólimsheleri – 16 173 sýbekt.

Aıta keteıik, qazaqstandyqtar beresheginiń bar-joǵyn Memlekettik kirister komıtetiniń resmı saıty arqyly teksere alady.

Eske salaıyq, 6 mln teńgege deıin bereshegi bar salyq tóleýshiler merzimin keıinge qaldyryp nemese bólip tóleı alady.