Salyq tóleýshilerge arnalǵan «Derbes shot» servısinde jańa fýnktsııalar engizildi
ASTANA. KAZINFORM – Memlekettik kirister komıteti 2026 jylǵy 15 sáýirden bastap «Salyqtyq ákimshilendirýdiń ıntegratsııalanǵan júıesi» Calyq tóleýshiniń jańa kabınetinde (SÁIJ STK) «Derbes shot» servısinde paıdalanýshylar jumysynyń yńǵaılylyǵy men tıimdiligin arttyrýǵa baǵyttalǵan jańa múmkindikter iske asyrylǵanyn habarlaıdy.
Salyq tóleýshiler «Barlyq MKO/JÓB derbes shotyna qosý» optsııasyn tańdap, MKO nemese JÓB kodyn kórsetpeı derbes shottar qura alady. Bul rette qajet bolǵan jaǵdaıda jekelegen MKO nemese JÓB boıynsha suraý salýdy qalyptastyrý múmkindigi saqtalady.
Qurylymdyq bólimshe boıynsha derbes shotty suraý fýnktsııasy qosymsha iske asyryldy, bul derekterdi egjeı-tegjeıli múmkindikterdi keńeıtedi.
Sonymen qatar suranystardy óńdeý nátıjeleriniń jýrnaly jetildirildi. Onda jańa órister paıda boldy: MKO/JÓB, kezeń, suraý jiberý ýaqyty, jaýap alý kúni men ýaqyty.
Paıdalanýshylarǵa yńǵaıly bolý úshin faıldy júkteý kezinde onyń ataýynda MKO, BSN, BSK jáne derbes shot qurylǵan kezeń týraly aqparat avtomatty túrde kórsetiledi.
Іske asyrylǵan ózgerister aqparat alýdy jeńildetýge jáne servıs jumysynyń ashyqtyǵyn arttyrýǵa baǵyttalǵan. SÁIJ-niń salyq tóleýshiniń jańa kabınetine kirý úshin https://knp.kgd.gov.kz siltemesi arqyly ótý kerek.
