Salyq tóleýshilerdiń sotqa shyǵymdanýy artyp otyr – Álıhan Smaıylov
ASTANA. KAZINFORM – Salyq tóleýshilerdiń sotqa shyǵymdanýy artyp otyr. Bul týraly Májilistiń jalpy otyrysynda 2025 jylǵy respýblıkalyq bıýdjettiń atqarylýy týraly esep bergen Joǵary aýdıtorlyq palatanyń tóraǵasy Álıhan Smaıylov aıtty.
– Salyqtyq ákimshilendirý sapasyna erekshe nazar aýdarý qajet. Salyqtarǵa qatysty tóleýshiler tarapynan sotqa shaǵymdaný jaǵdaılary artqan. Sońǵy 4 jylda shaǵymdanǵan somanyń jartysynan kóbi salyq tóleýshilerdiń paıdasyna sheshildi, - dedi palata tóraǵasy.
Álıhan Smaıylovtyń aıtýynsha, kóleńkeli ekonomıkaǵa jáne jekelegen taýar naryqtarynyń jetkilikti deńgeıde ashyq bolmaýyna baılanysty táýekelder saqtalyp otyr.
– Tańbalaý jáne tsıfrlyq baqylaý tetiginiń engizilýine qaramastan, óndiris, ımport jáne naqty tutyný kólemderi arasyndaǵy alshaqtyq ósýde. Nátıjesinde, bıýdjet túsimderiniń túsý potentsıaly shektelip otyr, - dedi ol.
Aıta keteıik, Májilistiń jalpy otyrysynda QR Úkimetiniń jáne Joǵary aýdıtorlyq palatanyń 2025 jylǵy respýblıkalyq bıýdjettiń atqarylýy týraly esepteri talqylanyp jatyr.
