Salyq rýlıngin engizý qajet – Májilis depýtaty

ASTANA. KAZINFORM – «Tsıflyq salyq rýlıngi» jobasyn ázirlep, engizý qajet. Búgin Májlistiń jalpy otyrysynda Úkimet basshysynyń atyna saýal joldaǵan depýtat Magerram Magerramov osyndaı usynys jasady.

- Qazaqstan halyq partııasynyń fraktsııasy salyq rýlıngi júıesin kezeń-kezeńmen engizýdi usynyp, depýtattyq saýal joldaǵan bolatyn. Atalǵan saýalǵa Úkimet Salyq kodeksi sýbektilerge salyq organdarynan usynym alatyn kólbeý monıtorıng múmkindigin kózdeıtindigin aıtyp jaýap berdi. Demek, kásipkerlerdiń shekteýli sany salyq organdarynan usynym ala alady. Munyń bári jaqsy. Alaıda, muny salyqtyq rýlıng dep taný óte qıyn. Birinshiden, eń mańyzdysy, bul usynymdardyń mindetti kúshi bolmaıdy. ekinshiden, sýbektilerdiń shekteýli sany ǵana bul quqyqty qoldana alady, - dedi depýtat.

Onyń atap ótýinshe, salyq rýlıngi – bul salyq organdary úshin mindetti josparlanǵan operatsııalar boıynsha sheshimderdi der ýaqytynda alýǵa múmkindik beretin jáne salyq zańnamasyn qoldaný kezinde quqyqtyq aıqyndyqty qamtamasyz etetin tetik. Búginde bul ınstıtýt álemniń 120-dan astam elinde tabysty jumys istep tur jáne salyq ákimshilendirýdiń tolysqanyn bildiredi.

Osydan oraı Magerram Magerramov Úkimetke mynadaı usynystar berdi:

- tsıfrlyq salyqtyq ákimshilendirýdiń jańa – «Tsıflyq salyq rýlıngi» ilki jobasyn ázirlep, engizý;

- atalǵan jobaǵa barlyq kásipkerlik sýbektiniń qol jetkizýin qamtamasyz etý;

- ózge elderdiń úlgisimen salyq rýlıngi nátıjesi boıynsha qabyldanatyn sheshimderdiń mindetti bolýyn qamtamasyz etý.

Taıaýda Úkimette salyq reformasyn engizý barysy jáne bıznesti qoldaý sharalary talqylanǵan edi.