Salyq organdary kásipkerlerdi sebepsiz aıyptap, 336 mln teńgege deklaratsııa tapsyrýǵa májbúrlegen
Bas kólik prokýratýrasy taldaý barysynda salyq organdary bergen negizsiz habarlamalardy anyqtady, dep habarlaıdy Kazinform.
Mysaly, fıskaldy organ kásipkerlik sýbektileri tarapynan buzýshylyqtardyń shekti somasyn esepke almaı, usynymdyq sıpattaǵy hattardyń ornyna habarlama joldaǵan.
Basqa jaǵdaılarda saýdagerler ýákiletti organnan buzýshylyqtardy joıý týraly habarlamany zańsyz alǵan, óıtkeni olarda kameraldyq baqylaý rásimin bastaýǵa tipti negiz de bolmaǵan.
Salyq organynyń zańsyz áreketi bıznesmenderdiń quqyǵyna tikeleı nuqsan keltirip, olardy 336 mln teńgeden astam somaǵa qosymsha deklaratsııa tapsyrýǵa mindettedi.
Qadaǵalaý organynyń usynysy boıynsha kásipkerlerdiń atyna jiberilgen 268 habarlama joıylǵan.
Memlekettik kirister komıtetiniń bes laýazymdy tulǵasy tártiptik jaýapkershilikke tartyldy.
