Salyq organdary bıznestiń aınalymyn baqylaýǵa ıAndeks, 2GIS platformalaryn tartpaqshy
ASTANA. KAZINFORM — Kassany baqylaıtyn mashınalardyń servısteri ıAndeks, 2GIS sııaqty platformalardyń kartalaryna jáne otandyq uıaly baılanys operatorlarynyń servısine jalǵanady.
Bul týraly Memlekettik kirister komıteti Memlekettik qyzmetter departamenti memlekettik qyzmetter basqarmasynyń basshysy Dýman Qanseıitov onlaın brıfıngide aıtty.
— Bıyl biz kassany baqylaıtyn mashınalardy qoldaný erejesine ózgerister engizdik. Bul ózgerister fıskaldyq derekterdiń operatorlaryn kassany baqylaıtyn mashınalarǵa jalǵanǵan server ornatýǵa mindetteıdi. Osy serverler taýarlardyń ataýyn avtomatty túrde shyǵaryp beredi. Sondaı-aq, fıskaldyq derekter operatorlary portalyna geomekenjaı qoldanatyn servıs ornatý kózdelgen, — dedi ol.
Onyń sózinshe, kassany baqylaıtyn mashınalardyń geomekenjaıy «Salyqty ákimshilendirý kartasy» biryńǵaı servısin qurǵan kezde de paıdalanylady.
— Sonyń arqasynda is basyndaǵy kásipkerlik nysandardyń sany men aınalymyn naqty ýaqyt bederinde jasandy ıntellekt kómegimen kórip otyrýǵa bolady. Bul úshin fıskaldyq derekter operatorlarynyń servısteri ıAndeks, 2GIS sııaqty servıs platformalarynyń kartalaryna jáne otandyq uıaly baılanys operatorlarynyń servısine jalǵanady. Osylaısha buıryqqa engizilgen ózgerister tsıfrlyq sheshimderdi damytýǵa, jańa tehnologııalardy engizip, jasandy ıntellektiniń qoldanys aıasyn keńeıtýge jol ashady, — dedi ol.
Aıta keteıik, búgin «ıAndeks.Taksı» tarıftiń qymbattaýy týraly úsh kún buryn habarlaýǵa mindettelgeni málim boldy.