Salyq organdary 4 blogerdiń 2,2 mlrd tabysyn tekseredi

ASTANA. KAZINFORM — Memlekettik kirister komıteti salyq talabyn qansha bloger oryndamaǵanyn málim etti.

Esterińizge sala ketsek, kameraldyq baqylaý nátıjesinde komıtet 854 blogerge qatysty 2022-2023 jyldary kezeńi úshin 71,9 mlrd teńgege tabysyn tómendetýine oraı 1 586 habarlama jibergen. 

Bıyl 4 maýsymdaǵy jaǵdaı boıynsha 394 bloger qosymsha nysan usynyp, 11,8 mlrd kiristerin deklaratsııalaǵan. 0,64 mlrd teńge salyq tólegen.

— Búginde kameralyq baqylaýdyń buǵan deıin jiberilgen habarlamasyn oryndamaǵany nemese tolyq oryndamaǵany úshin blogerlerge qatysty salyqtyq tekserý taǵaıyndaý is-sharalary júrgizilip jatyr. Bul rette olardyń tórteýine qatysty 2,2 mlrd teńge somasyndaǵy kiristi tómendetý faktisi boıynsha tekserý týraly buıryq engizildi, — dedi komıtetten agenttiktiń resmı saýalyna oraı.

Osy jyldyń 23 sáýirindegi jaǵdaı boıynsha 338 bloger 10 mlrd 585,4 mln teńge somasyna kiristerdi deklaratsııalap, 256,7 mln teńge somasynda jeke tabys salyǵyn tólegen edi.